எனது காதல் தினம்..!!

*எனது காதலர் தினம்*🌹🌹💃


இன்று உலகக் காதலர்கள் தினம்...!
       மகனுக்கு பத்தொன்பது மகளுக்கு பதினாறு வயது மெல்ல நடந்து கொண்டிருக்க...
      திருமணமான ஆண்டிலிருந்து ஒவ்வொரு ஆண்டும் இந்த நாளைக்  கொஞ்சம் விசேஷமாக நாங்களும் அநுசரிப்பதுண்டு!
    ஆனால் கடந்த சில வருடங்களாக  இந்தக் காதலர் தினத்தை அதிகம் கண்டு கொள்வதில்லை..!!
     வயதாகிவிட்டதான நினப்பிலெல்லாம் இல்லை...!
ஆனாலும் ஏதோ ஒருவித நெறுடல்..!
     அந்த பிப்ரவரி 14 ல் பிள்ளைகளின் நடவடிக்கைகளில் ஏதும் மாற்றம் தெரிகிறதா? நடை, உடை பாவனைகளில்....?? இதை கவனிப்பதே அன்றைய லேசான படபடப்பு எனக்கு....! பிள்ளைகள் படிக்க வேண்டிய வயதில் காதல் வயப்பட்டிருப்பார்களோ என்ற லேசான பயம்தானது!
  பிறகு வேறெங்கிருந்து காதலர்தின லவ் மூடுக்கு நாம் போவது....!!??
சலிப்புடன் எனக்குள் நானே பேசிக் கொண்டே அசைபோட்டது   கடந்த ஆண்டின் எங்களது  காதலர் தினத்தை!
   அன்றைய மாலையில் அழகான ஒரு புடவையோடு மயக்கும் மல்லிகையும் சேர்த்த ஒரு கைப்பையை நீட்டி...*
      *இந்தா*.....என்றார் காதலனான என் கணவர்!
  என்ன இது...?_ !தெரியாததைப் போலவே நான்.
   காலை அவர் வேலைக்காக வெளியேறும் போது அதைப் பற்றின நினைப்பு கொஞ்சமாவது அவருக்கு இருக்குமா என்ற என் தேடலுக்கு ஏமாற்றமே பதிலாக கிடைக்க... பெருமூச்சுடன் பார்வையை குவித்து சாந்தமாகிக் கொண்டேன்...!
    அந்தத்  துணிப்பையைக் கொடுத்து விட்டு திரும்பிய அவரை ஏறிட்டுப் பார்க்கும் அந்த சில நொடிகளுக்குள் தோன்றி மறைந்து போனது இத்தனை நினைவுகளும்..! 
     நானும் அவரை சந்தோஷப்படுத்த ஒரு வாரத்திற்கு முன்பே ஒரு சட்டை எடுத்து வைத்திருந்தேன்.ஆனால் இனி அதை ஒருமாதம் கழித்து தான் அவரிடம் எதேச்சையாக கொடுக்க வேண்டுமென்று காலையில் எடுத்த எனது முடிவை என் மனதிடம் வாபஸ் பெற்றுக் கொண்டே .....பீரோவிலிருந்து எடுத்து ...
     *இந்தாங்க*... என்றேன்..லேசான சிரிப்போடு.
    *சரி அங்கயே வை,காலையில்  வேலைக்குப் போகும் போது பார்க்கலாம்*_ என்றார் வழக்கம் போல வார்த்தைகளில் சற்றும் சாரம் இல்லாமல்...! ஆனாலும் பார்வையில் நிறைந்த காதல்... கனிந்த புன்னகை இதழ்களிலும்!  
   பேச்சு சத்தம் அறைக்கு வெளியே கவனித்துக் கொண்டிருந்த பிள்ளைகளின் காதில் விழலாம்...! பார்வைக்குள் ஒழிந்திருந்த காதலர்தினத்தை
என் விழிகளைத் தவிற வேறு யாரறிய முடியும்...!!??
     என்  புடவை ,பீரோவிலிருந்த அந்த சட்டையோடு அடைபட்டிருந்தது...!ஆடைகளும் கொண்டாடி தீர்த்தன விடியும் வரை.....காதலர் தினத்தை!
       
       
   Dr .த.ஜான்சிபால்ராஜ்

Comments

  1. Dr.JansipaulrajFebruary 14, 2021 at 3:47 AM

    அனைவருக்கும் நன்றி

    ReplyDelete
  2. எ தங்கமணி 🖋️February 14, 2021 at 6:12 AM

    காதலின் நிலை விளக்கம்
    கருத்துணர் வடிவாக்கம்
    கவிதைக்கிணை குட்டி கதை அருமை 👌

    ReplyDelete
  3. UnknownFebruary 17, 2021 at 9:44 PM

    உணர்ந்தவர்களால் மட்டுமே உணர முடியும்


    ReplyDelete
  4. Dr.JansipaulrajFebruary 22, 2021 at 8:05 PM

    ஆமாம்....உண்மை...நன்றி

    ReplyDelete
  5. Roch Vinister March 1, 2021 at 5:48 AM


    காதலர் தினத்தில் உள்ளம் சொன்ன உண்மை சிந்தனை.
    அருமை சகோ..😊

    ReplyDelete
  6. Raison Durai (ரெய்சன் துரை)March 9, 2021 at 12:06 AM

    மிக அருமை

    ReplyDelete

Post a Comment

Popular posts from this blog

*பெண் தலைமைத்துவ ஆளுமை* கிளாரிந்தா அம்மையார்.

       பதினெட்டாம் நூற்றாண்டில் திருநெல்வேலி மாவட்டத்தில் தூத்துக்குடியில்  டச்சுக்காரர்கள் எழுப்பிய டச்சு ஆலயத்தைத் தவிர்த்து திருநெல்வேலியில் தோன்றிய முதல் சீர்திருத்த ( Protestant) கிறித்தவ ஆலயத்தைக் கட்டிய கிளாரிந்தா என்ற பெண்ணின் தலைமைத்துவப் பண்பு  இன்றும்  நம்மால் கிரகிக்க இயலாத ஆளுமைத் தன்மை கொண்டதாகவே உயர்ந்து நிற்கிறது!           இந்தியாவில் பெண் தலைமைத்துவம் என்பது ஆண் தலைமைத்துவத்திற்கு இணையாக  குடும்பம், சமூகம்,பொருளாதாரம், அரசியல் என்று எந்த தளத்திலும் இன்றுவரை முழுமையாக ஏற்கப்படாத நிலையில் ,18 ஆம் நூற்றாண்டில் பெண்களின் நிலை எவ்வாறு இருந்திருக்கும் என்பதை கற்பனையிலும் நினைத்துப் பார்த்து எழுத்தில் அவற்றை  விவரித்துவிடுவது எளிதல்ல...!           பெண்ணினம் ஆணினத்தின் தேவைகளைப் பூர்த்திச் செய்யும் ஓர் உடைமையாக மட்டுமே பார்க்கப்பட்டதோடு எவ்விதத்திலும் ஆணுக்கிணையானவளாக யாராலும் உணரப்பட்டுவிடக் கூடாதென்ற  முன்னெச்சரிக்கையோடும் பெண் தன்னை உணர்ந்து தனது திறமைகளை, தனித்தன்மைகளை வெளிப...
Read more

*தேர்தல் அவசரம்*

          மக்களாட்சி முறையில் மக்களின் பிரதிநிதிகளைத் தேர்ந்தெடுக்க  தேர்தல் என்பது மிக முக்கிய அம்சம்.உலகில் மிகப் பெரிய ஜனநாயக நாடான நமது நாட்டில் பதினெட்டு வயது முழுமையடைந்த ஒவ்வொருவரும் நேர்மையாகவும் சுதந்திரமாகவும் வாக்களிக்கும் உரிமைப் பெற்றிருக்கின்றனர்.          அரசியலில் தங்களுக்கான அதிகாரத்தை வெளிப்படுத்தும் ஒரு கருவியே மக்களின் வாக்குரிமை.         இவ்வுரிமை அரசியலாளர்களால் கட்டுப்படுத்தப்படவோ முடக்கப்படவோ கூடாது. தேர்தல்களில் வெற்றிபெறும் நோக்கோடு மக்களின் அறியாமை , வறுமை போன்றவற்றை சாதகமாகப் பயன்படுத்தி அவர்களது  வாக்குகளைச் சூரையாடுவது குற்றம். அவற்றைச் செய்வோரை நடுநிலையில் நின்று தடுக்கவும் தண்டிக்கவும் உரிமைப் பெற்றது  மக்களாட்சி முறையை  சிறப்பாக வடிவமைப்பதில் பெரும் பங்குவகிக்கும் தேர்தல் ஆணையம் .          ஒலி ,ஒளி ஊடகங்களால் இன்று மனிதச் சமூகம் மிகக் குறைந்த எல்லைகளுடைய  வட்டத்திற்குள் வந்து விட்டதால்,உலகின் ஒருமூலையில் ஏற்படும் சிறு அதிர்வலைகள் க...
Read more